Mig langar að bjóða þér að stíga inní undraheim saman

Hér er tækifæri til að dýpka sambandið þitt við íslensku náttúruna og eiga nærandi dag að dvelja djúpt í hjartanu í tímaleysi og tengingu.

Komdu út að leika og gefðu innra barninu pláss til að príla, busla, hvílast, nærast og leika!

Í örvandi og hröðu samfélagi er nauðsynlegt að staldra við og róta sig dýpra í eigin sönnu náttúru. Allt í náttúrunni leitar í jafnvægi og samhljóm, þetta er náttúru lögmál. Þegar við förum frá okkar náttúrulega takti getum við upplifað ýmsa kvilla líkamlega og andlega. Þegar við förum útí náttúruna í vitund samstillum við okkur við hinn náttúrulega takt og flæði sem nærir okkur líkamlega og andlega. Að opna fyrir eigin innri náttúruafli nærir taugakerfið, styrkir ónæmiskerfið, dýpkra tenginguna okkar, gefur okkur innsýn við innri vangaveltum og eykur almenna vellíðan.

Yfir þennan dag færð þú tækifæri til að opna þig, muna hver þú ert og hvað í þér býr. Náttúran á Íslandi er mögnuð og einstök og það þarf ekki að leita langt til að nærast djúpt með henni.

Áfangastaðurinn er heim í hjartað

Í cacao athöfninni og hugleiðslunni í upphafi dags setjum við tónin fyrir ævintýrið framundan.

Setjumst saman í mjúkri laut með hlýjum ceremonial cacao bolla sem býður okkur að bráðna dýpra í hjartað. Cacao plantan hefur sérstakan eiginleika að milda og mýkja okkur, hún bræðir burtu innri veggi hjartans og getur gefið okkur styrk í að stíga í hjartað og djúpa innri hlustun. Þessi ofurfæða gefur okkur orku og næringu fyrir ævintýri dagsins.

Cacao theobroma er hjartameðal. Hún örvar hjartað og æðakerfið og kemur meira flæði af stað í líkama og anda. Hún hefur komið sterkt inn í vestrænan heim síðasta áratug að minna okkur á hjartatenginguna. Heimurinn er að breytast og núna er tíminn til að stíga í hugrekkið og lifa með opið hjartað.