4 VIKNA NÁMSKEIÐ þar sem við einblínum á hjartaopnun. Hér færð þú rýmið og tólin til að dýpka sambandið við sjálfan þig til að taka ábyrgð og stjórn á þinni innri hamingju og frið.

YFIR NÁMSKEIÐIÐ komum við nær sjálfum okkur og hjartanu í gegnum hugleiðslur, aðferðir og æfingar fyrir hjartaopnun, orkuvinnu og innsæið. Þetta er ekki aðeins námskeið, þetta er miklu meira en það, þetta eru einstakar stundir sem vinna djúpt í þér. Í hverri stund vinnum við með ceremonial cacao sem býður okkur í dýpri innri opnun og hlustun, hver stund er tileinkuð ákveðu efni (HJARTAÐ, ORKUNÆMNI, INNSÆI, SANNA SJÁLFIÐ). Yfir mánuðinn færð þú heimavinnu og verkefni sem styðja við þína opnun og vakningu í hversdagsleikanum. Við tileinkum okkur einfaldleika og sannleika hér, þetta eru hjartanæmar og nærandi stundir þar sem áherslan er á að gefa þér pláss og tileinka þér heilagan tíma til að dvelja dýpra í þér.

Hjartað er lykillinn að tengingu, frið og hamingju. Lærum hvað veldur því að við lokum því og hvernig við höldum því opnu.

Í örvandi og hröðu samfélagi er mikilvægt að staldra við og róta sig dýpra í kjarnann, hér skoðum við hvernig lífið hefur mótað okkur, hvernig aðstæður og orka hefur áhrif á okkur, hvaðan hegðunnar mynstrin koma og hvað það raunverulega er að lifa með opið hjarta og hvernig við höldum því svoleiðis.

ORKUNÆMNI

Að fá meiri orku með því að skilja orku! Orkulegt ójafnvægi í líkamanum getur verið grundvöllur heilsukvilla og vanlíðan, hvað ef þú lærir að skilja orku og vinna með þína orku? Hér lærir þú hvernig þú hættir að draga í þig orku og tilfinningar annarra, að efla þína eigin orku og upplifa næmni þína sem styrkleika.

INNSÆI

Þegar við opnum hjartað okkur náttúruleg aukaverkunin sterkara innsæi. Þá er spurning hvort við séum að fylgja því? og hvað veldur því að við höfnum því? Öll höfum við innsæi. Innsæi er innri áttavitinn okkar og þegar við erum stillt inná hann getum við átt auðveldara með skýrar ákvarðanir sem leiða að persónulegum vexti og vellíðan. Hér munum við læra hvernig líkaminn og skynjunin er alltaf að gefa okkur merki, hvaðan við tökum ákvarðanir, hvernig við lesum úr líkamanum og hans merkjum og hvað þarf til að fylgja þessum merkjum, hint : traust!

SÖNN NÁTTÚRA

Yfir allt námskeiðið færð þú vettvang til að finna djúpt hver í hjartanu þínu býr og upplifa það hvernig það er að lifa í gegnum hjartað frá fyrstu hendi. Í gegnum athafnirnar og æfingar tengjumst við dýpra okkar sanna eðli og lærum hvað það er sem dregur okkur frá því.

Þetta námskeið er tilvalið fyrir þig sem : 

• Ert á tímamótum

• Ert tilbúin/nn að opna hjartað og lifa frjáls frá takmörkum hugans

• Upplifir þig dofin/n og aftengda/n

• Upplifir þig sem mikla tilfinningaveru og vilt skilja þig dýpra sem orkuveru

• Vilt tileinka þér tíma fyrir sjálfan þig að finna fyrir sjálfri/um þér

• Vilt kveikja á lífskraftinum og LEIKNUM !

• Vilt læra að hlusta á innsæið og byrja að fylgja því

• Vilt tengjast þínum æðri mætti og hækka orkuna þína
  

CEREMONIAL CACAO

Við munum nota þessa fallegu og mögnuðu plöntu til að aðstoða okkur að koma nær í tæra tengingu og hlustun á hjartað.

Hvort sem þú þekkir cacao eða ekki er þetta einstakt tækifæri til að kynnast Cacao enn betur og hvernig þú getur unnið með þeirri plöntu á þínu ferðalagi nær hjartanu þínu.

Ceremonial Cacao hefur verið mikilvægur kennari fyrir mig á minni leið heim í hjartað. Ég hef verið lánsöm um að fá að ferðast til Guatemala síðustu 3 ár að tengjast henni betur og verið að leiða athafnir og námskeið með þessari plöntu síðan 2020.

Til að lesa meira um Cacao HÉR

Við lærum einfaldar öndunaræfingar, æfingar fyrir jarðtengingu, fá að njóta tónheilun og djúpslökun í hverri stund.

Þú verður leidd/ur djúpt inná við í hugleiðslur, lærir að hlusta, finna og hreyfa orku og aðrar æfingar í tengingu við umræðu hverrar stundar.